ඉති­හා­සයේ වැඩිම මාසික සංචා­රක පැමි­ණීම ජන­වා­රියේ දී

මෙරට සංචා­රක ක්ෂේත්‍ර­යට නව පරි­ච්ඡේ­ද­යක් එක් කර­මින් ඉති­හා­සයේ වැඩිම මාසික සංචා­රක පැමි­ණීම මේ වසරේ ජන­වාරි මාසයේ දී වාර්තා කිරී­මට සමත්ව තිබේ.

ඒ අනුව මේ වසරේ ජන­වාරි මාස­යේදී විදෙස් සංචා­ර­ක­යන් 277,327 දෙනකු මෙර­ටට පැමිණ තිබෙන අතර, සංචා­රක ක්ෂේත්‍රයේ ප්‍රව­ර්ධ­නය වෙනු­වෙන් රජය ගෙන­යන විශේෂ වැඩ­පි­ළි­වෙළ හමුවේ සංචා­ර­ක­යන් වැඩි පිරි­සක් මෙර­ටට ගෙන්වා ගැනී­මට හැකිව තිබෙන බව ශ්‍රී ලංකා සංචා­රක සංව­ර්ධන අධි­කා­රිය (SLTDA) ප්‍රකාශ කරයි. මීට පෙර 2025 දෙසැ­ම්බර් මාසයේ දී වැඩිම සංචා­ර­ක­යන් පිරිස වන 258,928ක් මෙර­ටට පැමිණ තිබේ. ජන­වාරි මාසයේ වැඩිම සංචා­ර­ක­යන් පිරි­සක් පැමිණ ඇත්තේ පසු­ගිය 15 වැනිදා බවත්, එම සංඛ්‍යාව 10,483ක් බවත් එම අධි­කා­රිය පෙන්වා දෙයි.

ඊට අම­ත­රව ජන­වාරි මාස­යේදී වැඩිම සංචා­ර­ක­යන් පිරි­සක් ඉන්දි­යා­වෙන් පැමිණ ඇති අතර, එම සංඛ්‍යාව 52,061කි. එංග­ල­න්තය, රුසි­යාව, ජර්ම­නිය, චීනය වැනි රට­ව­ලින් ද සංචා­ර­ක­යන් වැඩි පිරි­සක් පැමිණ තිබෙන අතර, ජන­වාරි මාස­යේදී ඒ අනුව එංග­ල­න්ත­යෙන් 29,540ක් ද, රුසි­යා­වෙන් 27,134ක් ද, ජර්ම­නි­යෙන් 17,776ක් ද, චීන­යෙන් 14,003ක් ද වශ­යෙනි.

මේ වසරේ ගත වූ කාලයේ විදෙස් සංචා­ර­ක­යන් 317,000කට වැඩි සංඛ්‍යා­වක් මෙර­ටට පැමිණ තිබෙන අතර, ජන­වාරි මස පළමු වැනිදා සිට පෙබ­ර­වාරි මස 04 වැනිදා තෙක් කාලය ගත් විට විදෙස් සංචා­ර­ක­යන් 317,381 දෙනකු මෙරට පැමිණ තිබෙන බව ශ්‍රී ලංකා සංචා­රක සංව­ර්ධන අධි­කා­රිය පව­සයි. මෙර­ටට පැමිණි විදෙස් සංචා­ර­ක­යන් අත­රින් වැඩිම පිරිස ඉන්දි­යා­නු­වන් වන අතර, මේ වසරේ ගෙවී ගිය කාලයේ ඉන්දි­යා­නු­වන් 57,348 දෙනකු මෙර­ටට පැමිණ තිබෙන බව ද ශ්‍රී ලංකා සංචා­රක සංව­ර්ධන අධි­කා­රිය නිකු­ත්කළ නව­තම වාර්තා­ව­කින් පෙන්වා දෙයි.

ඉන්දි­යා­නු­වන්ට අම­ත­රව බ්‍රිතා­න්‍ය­යෙන් 34,724ක් ද, රුසි­යා­වෙන් 30,951ක් ද, ජර්ම­නි­යෙන් 20,272ක් ද, චීන­යෙන් 16,315 ක් ද මෙර­ටට පැමිණ තිබේ. ඊට අම­ත­රව ප්‍රංශය, ඔස්ට්‍රේ­ලි­යාව සහ නෙද­ර්ල­න්තය වැනි රට­ව­ලින් සැල­කිය යුතු සංචා­ර­ක­යන් සංඛ්‍යා­වක් පැමිණි බව ද ශ්‍රී ලංකා සංචා­රක සංව­ර්ධන අධි­කා­රිය කියයි.

මේ අතර පෙබ­ර­වාරි මාසයේ මුල් දින හතරේ පම­ණක් විදෙස් සංචා­ර­ක­යන් 40,054 දෙනකු සංචා­රය සඳහා මෙර­ටට පැමිණ තිබේ.

මහින්ද අලු­ත්ගෙ­දර