ශ්රී ලංකා පොදුජන පෙරමුණේ ජනාධිපති අපේක්ෂකයා ලෙස පාර්ලිමේන්තු මන්ත්රී නාමල් රාජපක්ෂ මහතා මීට සුළු මොහොතකට පෙර නිලවශයෙන් ප්රකාශ කළේය.
බත්තරමුල්ල නෙළුම් මාවතේ පිහිටි පොදුජන පෙරමුණ ප්රධාන කාර්යාලයේ දැන් පැවැත්වෙන විශේෂ උත්සවයේදී ඒ මහතා ජනාධිපති අපේක්ෂක ලෙස නම් කරන බව එම එම පක්ෂයේ ලේකම් නීතිඥ සාගර කාරියවසම් මහතා නිවේදනය කළේය.
හම්බන්තොට දිස්ත්රික් පාර්ලිමේන්තු මන්ත්රී නාමල් රාජපක්ෂ මහතා පොදුජන පෙරමුණේ ජාතික සංවිධායකවරයා ලෙස ද කටයුතු කරයි.
හිටපු ජනාධිපති මහින්ද රාජපක්ෂ මහතාගේ වැඩිමහල් පුත්රයා වන නාමල් රාජපක්ෂ මහතා පසුගිය පොදුජන පෙරමුණු ආණ්ඩුවේ ක්රීඩා යෞවන කටයුතු අමාත්ය ධූරය ඇතුළු අමාත්ය ධූර කීපයක කටයුතු කළේය.
තිස්අටවැනි වියේ පසුවන නාමල් රාජපක්ෂ මහතා 2010 මහ මැතිවරණයේදී පළමුවරට පාර්ලිමේන්තුවට තේරී පත්විය.
ගල්කිස්ස සාන්ත තෝමස් විදුහලේ ආදි සිසුවෙක් වන නාමල් රාජපක්ෂ මහතා දක්ෂ රග්බි ක්රීඩකයෙකි. ඒ මහතා ශ්රී ලංකා ජාතික රග්බි කණ්ඩායමේ නායකත්වය ද දැරිය.
Be First to Comment