මහි­න්දගේ දෙවැනි පදවි ප්‍රාප්තියට සුබ පතන්න රජයේ මුදල් ලක්ෂ දාහ­තක් අව­භා­විත කරලා

හිටපු ජනා­ධි­පති මහින්ද රාජ­පක්ෂ මහ­තාගේ දෙවැනි පදවි ප්‍රාප්තියේ 4 වැනි සංව­ත්ස­රය වෙනු­වෙන් ශ්‍රී ලංකා ආයෝ­ජන මණ්ඩ­ලයේ අර­මු­ද­ල්ව­ලින් පුව­ත්ප­ත් 11ක දැන්වීම් පළ කිරී­මෙන් රජ­යට රුපි­යල් ලක්ෂ 17කට වැඩි මුද­ලක් පාඩු කිරීමේ චෝද­නාව යටතේ හිටපු ආයෝ­ජන ප්‍රව­ර්ධන ඇමැති ලක්ෂ්මන් යාපා අබේ­ව­ර්ධන සහ ශ්‍රී ලංකා ආයෝ­ජන මණ්ඩ­ලයේ හිටපු අධ්‍යක්ෂ ජන­රාල් ජයන්ත එදි­රි­සිංහ යන අයට කොළඹ මහා­ධි­ක­ර­ණය හමුවේ ඊයේ (30දා) අධි­චෝ­දනා පත්‍ර භාර­දෙන ලදි.

කොළඹ මහා­ධි­ක­රණ විනි­සුරු ප්‍රදීප් අබේ­රත්න මහතා ඉදි­රියේ නඩුව කැඳවූ අව­ස්ථාවේ විත්ති­ක­රු­වන් අධි­ක­ර­ණය ඉදි­රියේ පෙනී සිටි­යේය. අන­තු­රුව විත්ති­ක­රු­වන්ට අධි­චෝ­දනා භාර­දීම සිදු­විය. තමන්ට එරෙ­හිව ඉදි­රි­ප­ත්කර ඇති සියලු චෝද­නා­වන්ට නිවැ­රැ­දි­ක­රු­වන් බව විත්ති­ක­රු­වන් කියා සිටියේය. මහා­ධි­ක­රණ විනි­සු­රු­ව­රයා නඩුවේ පූර්ව විභාග සම්ම­න්ත්‍ර­ණය ලබන අගෝස්තු 20දා සිට ආරම්භ කිරී­මට දින නියම කළේය.

අන­තු­රුව විනි­සු­රු­ව­රයා, විත්ති­ක­රු­වන්ට ඇප නියම කිරීම සම්බ­න්ධ­යෙන් අල්ලස් හෝ දූෂණ කොමි­සමේ ස්ථාව­රය විමසා සිටි­යේය. එහිදී අල්ලස් කොමි­සමේ සහ­කාර අධ්‍යක්ෂ ජන­රාල් අනු­ත්තරා ජය­සිංහ මහ­ත්මිය විත්ති­ක­රු­වන් සුදුසු ඇප­යක් මත මුදා­හැ­රීම සම්බ­න්ධ­යෙන් විරුද්ධ නොවන බව දන්වා සිටි­යාය.

ඉන් අන­තු­රුව චුදි­ත­යන් රුපි­යල් මිලි­ය­නය බැගින් වූ ශරීර ඇප 2ක් මත මුදා හැරී­මට නියෝග කළ විනි­සු­රු­ව­රයා විත්ති­ක­රු­වන්ගේ ඇඟිලි සල­කුණු ලබා­ගෙන වාර්තා කැඳ­වන ලෙස මහා­ධි­ක­රණ රෙජි­ස්ට්‍රා­ර්ව­ර­යාට නියම කළේය.

එම අව­ස්ථා­වේදී විත්ති­කාර ජයන්ත එදි­රි­සිංහ මහතා වෙනු­වෙන් පෙනී සිටි ජනා­ධි­පති නීතිඥ සංජේ රාජ­ර­ත්නම් මහතා කරුණු දක්ව­මින් මෙම අධි­චෝ­දනා පත්‍රය සම්බ­න්ධ­යෙන් මූලික විරෝ­ධතා ඉදි­රි­පත් කිරී­මට අපේක්ෂා කරන බව දන්වා සිටි­යේය.

විත්ති­ක­රු­වන්ට චෝදනා කියවා දීමෙන් අන­තු­රුව එම මූලික විරෝ­ධතා මතු කරන ලෙස මහා­ධි­ක­රණ විනි­සු­රු­ව­රයා විත්තියේ නීති­ඥ­යන්ට දන්වන ලදි.

හිටපු ජනා­ධි­පති මහින්ද රාජ­පක්ෂ මහ­තාගේ දෙවැනි පදවි ප්‍රාප්තියේ 4 වැනි සංව­ත්ස­රය නිමි­ත්තෙන් 2014 වසරේ නොවැ­ම්බර් මස 19 වනදා ශ්‍රී ලංකා ආයෝ­ජන මණ්ඩ­ලයේ අර­මු­ද­ල්ව­ලින් පුව­ත්පත් 11ක අති­රේක පළ කිරී­මෙන් රජ­යට 17,48,877.76ක මුද­ලක් පාඩු කිරීමේ චෝද­නාව යටතේ අල්ලස් හෝ දූෂණ කොමි­සමේ අධ්‍යක්ෂ ජන­රාල් රංග දස­නා­යක මහතා විසින් 2025 වසරේ මැයි මස 14දා චෝදනා ගොනු­කර තිබේ.

විත්ති­ක­රු­වන්ට එරෙ­හිව අධි­චෝ­දනා 05ක් ඉදි­රි­ප­ත්කර ඇත.

අයු­තු­ස­හ­ගත ලෙස හෝ නීති විරෝධී ලෙස යම් තැනැ­ත්ත­කුට විශේෂ වාසි­යක් කිරීමේ අද­හ­සින් දැන දැනම ආණ්ඩු­වට පාඩු කිරීමේ චෝද­නාව යටතේ අල්ලස් හෝ දූෂණ පනතේ 70 වැනි වග­න්තිය යටතේ ගැනෙන දූෂ­ණය නැමැති වරද කිරීමේ චෝද­නාව යටතේ සහ දණ්ඩ නීති සංග්‍ර­හයේ 113 (ඇ), 102 වගන්ති යටතේ නඩු පැව­රීම සිදුව ඇත.

නඩු විභා­ග­යේදී පැමි­ණිල්ලේ සාක්ෂි­ක­රු­වන් ලෙස අයෝ­ජන මණ්ඩ­ලයේ සාමා­න්‍යා­ධි­කා­රි­ව­රයා ඇතුළු පුද්ග­ල­යන් 15 දෙනෙකු නම් කර තිබෙන අතර නඩු භාණ්ඩ වශ­යෙන් ලේඛන 21ක් ඉදි­රි­පත් කර තිබේ.

චන්දන ජය­වීර