ඉන්දුනීසියාවේ සිට අල්ලාගෙන මෙරටට රැගෙන ආ පාතාලේ ප්රබල අපරාධකරුවකු වන කෙහෙල්බද්දර පද්මේ සම්බන්ධයෙන් කරන විමර්ශනයකට අදාළව හිටපු ඇමැතිවරයෙක් වන ප්රසන්න රණතුංග මහතාගෙන් අපරාධ පරීක්ෂණ දෙපාර්තමේන්තුව ඊයේ (02) ප්රශ්න කර තිබුණි.
කෙහෙල්බද්දර පද්මේ සමඟ ඇති සම්බන්ධකම් ගැන එහි දී ප්රසන්න රණතුංග මහතාගෙන් දීර්ඝ ලෙස ප්රශ්න කර ඇතැයි අපරාධ පරීක්ෂණ දෙපාර්තමේන්තුව සඳහන් කළේය. ඒ කෙහෙල්බද්දර පද්මේ විසින් කළ ප්රකාශයක් පදනම් කරගෙනය.
“කෙහෙල්බද්දර පද්මේ කියන්නේ මගේ ගමේ කෙනෙක්. දේශපාලනික වශයෙන් අපෙත් එක්ක සම්බන්ධ වෙලා කටයුතු කළාද කියල අහන්නයි සී.අයි.ඩී.ය මාව කැඳවල තිබුණේ. එයාගේ තාත්ත මාත් එක්ක සම්බන්ධයි. කෙහෙල්බද්දර පද්මේ ලොකුවට සම්බන්ධ නැහැ” යැයි ප්රසන්න රණතුංග මහතා ප්රකාශ ලබාදීමෙන් අනතුරුව අපරාධ පරීක්ෂණ දෙපාර්තමේන්තුවෙන් පිටතට පැමිණ මාධ්ය හමුවේ සඳහන් කළේය.
ශ්රී ලංකා පොදුජන පෙරමුණේ ජාතික සංවිධායක නාමල් රාජපක්ෂ මහතාව ද අපරාධ පරීක්ෂණ දෙපාර්තමේන්තුව හමුවට අද (03) කැඳවා ඇත්තේ මේ සම්බන්ධයෙන්ම ප්රශ්න කිරීමටය.
කෙහෙල්බද්දර පද්මේ සමඟ සම්බන්ධකම් පැවත්වූ බව කියැවෙන නිරූපිකාවන් කිහිප දෙනකුගෙන්ද අපරාධ පරීක්ෂණ දෙපාර්තමේන්තුව අවස්ථා ගණනාවකදීම ප්රශ්න කර තිබුණි.
ගයාන් කුමාර වීරසිංහ
Be First to Comment