යුක්රේන යුද්ධයට මැදිවී සිටින දරුවන්ගේ ජීවිත සුරක්ෂිත කිරීමට පියවර ගන්නා ලෙස ඉල්ලා අමෙරිකානු ජනාධිපති ආර්යාව මෙලනියා ට්‍රම්ප් රුසියානු ජනාධිපතිවරයාට ලිපියක් යොමු කර ඇතැයි විදෙස් මාධ්‍ය වාර්තා කරයි. ඇලස්කාවේ සාම සාකච්ඡාව අතරතුරදී එම ලිපිය ඩොනල්ඩ් ට්‍රම්ප් විසින් ව්ලැදිමිර් පුටින්ට භාර දී ඇතැයි ද විදෙස් මාධ්‍ය වැඩිදුරටත් වාර්තා කරයි.
යුක්රේනයේ නම සඳහන් කිරීමකින් තොරව ජනාධිපති ආර්යාව සිය ලිපිය මඟින් පුටින්ට දැනුම් දී ඇත්තේ සෑම දරුවකුම සිය ආරක්ෂාව පිළිබඳ සිහින දකින බවය. ඕනෑම ජාතියක උපත ලැබුවද, සෑම දරුවකුම ආදරය හා කරුණාව බලාපොරොත්තු වන බවත්, ගැටුම්වලදී ජීවිත රැක ගැනීමට සිහින දකින බවත් සඳහන් කරමින් මෙලනියා ට්‍රම්ප් වැඩිදුරටත් පෙන්වා දී ඇත්තේ මතු පරම්පරාවේ අපේක්ෂාවන් පෝෂණය කිරීම සියලු මාපියන්ගේ වගකීම බවය. පුටින් මහතා ලෙස ආමන්ත්‍රණය කර ඇති එම ලිපිය මඟින් ඇය රුසියානු ජනාධිපතිවරයාට ප්‍රකාශ කර ඇත්තේ දරුවන්ගේ අහිංසකත්වය ආරක්ෂා කිරීමෙන් රුසියාවට පමණක් නොව මුළු ලොවටම සේවය කළ හැකි බවය.
Be First to Comment