ආපදාවට ලක් වූ ළමුන් සම්බන්ධ තොරතුරු සමාජ මාධ්ය ඔස්සේ නොඉල්ලන ලෙසත් ඒ හරහා දැනුම්දීම් සිදුනොකරන ලෙසත් පොලිස් මාධ්ය ප්රකාශක සහකාර පොලිස් අධිකාරී එෆ්.යූ. වුට්ලර් දැනුම්දීමක් කරයි.
දරුවන්ගේ අභිවෘද්ධිය වෙනුවෙන් යම් දෙයක් කිරීමට අවශ්ය නම් නීත්යානූකූල ලෙස අදාළ රජ්ය ආයතන ඔස්සේ හෝ පොලීසිය හරහා තොරතුරු ලබා ගත හැකි බවද පොලිස් මාධ්ය ප්රකාශක සහකාර පොලිස් අධිකාරී එෆ්.යූ. වුට්ලර් සඳහන් කරයි.
එසේ නොමැතිව සද්භාවයෙන් වුවත් අනීතික ලෙස කටයුතු කර ඇති බවට වාර්තා වුවහොත් ඒ සම්බන්ධයෙන් නීතිය ක්රියාත්මක කිරීමට සිදුවන බවද පොලිස් මාධ්ය ප්රකාශක සහකාර පොලිස් අධිකාරී එෆ්.යූ. වුට්ලර් සඳහන් කරයි.
පොලිස් මාධ්ය ප්රකාශකවරයා සඳහන් කළේ,
“මෙම ආපදා තත්ත්වයෙන් පසුව අපේ පුංචි දුවා දරුවෝ අනාරක්ෂිත තත්ත්වයට පත් වුණ අවස්ථා අපිට වාර්තා වෙලා තියෙනවා. දෙමාපියන්, වැඩිහිටියන්, භාරකරුවන් අහිමි වෙලා තියෙනවා.
මේ අවස්ථාවේදී අතැම් ජාවාරම්කරුවන් සමාජ මාධ්ය හරහා මේ පුංචි දුවා දරුවන්ගේ විස්තර ලබා ගැනීම සඳහා කටයුතු කර ඇති බවට විශේෂයෙන් ශ්රී ලංකා පොලීසියේ ළමා හා කාන්තා කාර්යංශයට වාර්තා වෙලා තියෙනවා.
ඉල්ලා සිටිනවා යම් කිසි කෙනෙකුට ළමයෙකුගේ හෝ මේ ආපදාවට පත් වෙච්ච දුවා දරුවෙකුගේ තොරතුරු අවශ්ය නම් ඔබ ක්රියා කළ යුත්තේ ජාතික ළමා ආරක්ෂක අධිකාරිය හරහා හෝ ළඟම තිබෙන පොලීසියකින් හෝ ප්රාදේශීය ලේකම් කාර්යාලයකින් හෝ ග්රාමසේවක මහත්ම මහත්මීන්ගෙන් මේ පිළිබඳ විස්තර ලබා ගැනීම.
ඔබ සමාජ මාධ්ය හරහා යම් කිසි දුරකථන අංකයක් හරහා තොරතුරු ලබා ගැනීම යම්කිසි වරදකට වරදකරුවෙකු වෙනවා. ඇතැම් මහජනතාව මේ දරුවන්ව ආරක්ෂා කරන්නට හෝ ඔවුන්ගේ අනාගත අභිවෘද්ධිය උදෙසා ක්රියා කරන්නට ඔහු හෝ ඇයව සුරක්ෂිත කරන්නට මේ ගනු ලබන උත්සහයන් විටකදී අපයෝජනයක් වෙන්න පුළුවන්.
විටකදී සමාජ විරෝධි හෝ අනීතික වෙන්න පුළුවන්. ඒ නිසා අපි මහජනතාවගෙන් ඉල්ලා සිටිනවා ඔබ සද්භාවයෙන් යම් කිසි අවස්ථාවක ප්රවේශ වන්නේ නම් ඔබට පුළුවන් ළඟම තිබෙන ප්රාදේශීය ලේකම් කාර්යාලයට හෝ ජාතික ළමා ආරක්ෂක අධිකාරිය හරහා මේ පිළිබඳ තොරතුරක් ලබා ගන්නට.”
Be First to Comment